Kalteberatasun faktoreak

Badira indarkeriaren aurrean kalteberatasuna handitzen duten faktoreak eta biolentziaren arriskua gutxitzen dutenak. Honakoak dira: 

  • Buru gaixotasuna duten emakumeen indarkeriarekiko kalteberatasuna handitzen duten gizarte faktoreak, egitura faktoreak eta faktore pertsonalak:
    • Buruko gaixotasunak duen estigmak eragiten duen bakardadea eta isolamendua. 
    • Indarkeriaren inguruko kontaketari sinesgarritasun mugatua ematen zaio. 
    • Lan-eza eta baliabide ekonomikoen falta. 
    • Gizartean parte-hartze baxua.
    • Gizartearekiko isolamendua eta bakardadea.
    • Indarkeriaren aurkako zerbitzu publikoak ez daude emakume horien beharretara moldatuta. 
    • Norberaren burua babesteko baliabide eza. 
    • Autonomia-eza eta beste pertsona batzuekiko mendekotasuna. 
    • Autoestimu txikia.
    • Bikotea sortzeko zailtasunek harreman desorekatuak eta desegokiak sor ditzakete. 
    • Bizitzari bakarrik aurre egiteko gaitasun faltaren sentimendua.
    • Norberaren burua gutxi baloratzeak dakarren abusuzko-harremanak justifikatzeko joera.
    • Informazioa eskuratzeko eta zerbitzuak erabiltzeko zailtasun handiagoa.

 

  • Indarkeria arriskua gutxitzen duten faktoreak: 
    • Gizartearen eta familiaren aldetik sostengua eta sarea izatea.
    • Lana izatea eta pobrezian ez bizitzea. 
    • Buru gaixotasuna duten pertsonen eta senideen elkarteen laguntza izatea.
    • Konfiantzazko profesional batekin hitz egin ahal izatea.
    • Zerbitzu publikoen esku-hartzean genero perspektiba eta emakumeen ahalduntzea kontuan hartzea.

 

  • Indarkeria jasateko arriskua areagotzen duten beste faktore batzuk:
    • Haurtzaroan familiarteko biolentzia jasan izana. 
    • Aitak amarenganako indarkeriaren lekuko izatea. 
    • Buru nahasmenduaren sintomatologiaren larriagotze momentu batean egotea.
    • Haurdunaldia.
    • Diagnostiko batzuek arriskua handitzen dute.